اغنية أبعتذر ... تقوى الهجر (( السر الدفين ))

أبعتذر ..... تقوى الهجر (( السر الدفين ))

--------------------------------------------------------------------------------

أحبائي أسعد الله أيامكم بكل الحب والخير

أترككم مع هذا الجمال والبوح بين حبيبين مع روعة الإعتذار


قصيدتين قديمات وحده منهم ابعتذر للشاعر بدر بن عبدالمحسن

غناها فنان العرب محمد عبده.

والثانيه تقوى الهجر او (( لاتعتذر)) للشاعره...كما لقبت نفسها... بــ(( الامل المجروح))

غناها الفنان خالد عبدالرحمن.

هذي القصيدتين طلعت عنهم اشاعات كثيره اللي يأكدها واللي ينفيها


لكن الاكيد والاكيد انها لبعضهم مقصوده


وكما هو الواضح قصيده ابعتذر هي الاولى وقصيدة تقوى الهجر رد عليها



الاشاعه اللي سمعتها عنهم هي ان الامير بدر بن عبدالمحسن كان ناوي


ينفصل عن زوجته اللي هي الامل الجروح لكن ماكان يقدر يقول لها وجه بوجه

فأرسلها لبيت ثاني بيت اهلها .. وبعد مامرت ايام طويله ارسل هذي القصيده

مع احد السائقين لها واول ماقرت القصيده اغمى عليها وفهمت منها انه طلقها

مع العلم ان البدر كان يموت فيها بس اللي سمعته انه انفصل عنها لظروف

خاصه.

وهذي القصيده اللي كتبها بدر بن عبدالمحسن وكلكم اكيد تعرفونها:-


ابعتذر..عن كل شي..

الا الهوى ..ماللهوى عني عذر..

ابعتذر .. عن اي شي..

الا الجراح.. ماللجراح الا الصبر..

ان ضايقتك اني على بابك امر..

في ليلة الم ..اني على دربك مشيت عمري وانا قلبي القدم..

ابعتذر.. ابعتذر..كلي ندم..

عن كل شي الا الهوى ..

ماللهوى عندي عذر..

اتصدقي مااخترت انا احبك..

مااحد يحب اللي يبي..

ياحبي المر العذب سكنتي جروحي غصب..

ليت الهوى وانتي كذب..

كان اعتذر لك عن هواي..

مااقول انا.. كوني معاي..

ان ضايقك ان ضايقك اني على بابك امر

في ليلة الم..

واني على دربك مشيت عمري وانا..

قلبي القدم..

ابعتذر..ابعتذر..كلي ندم..

عن كل شي الا الهوى

ماللهوى عندي عذر................................




قصيده جميله بمعنى الكلمه للبدر .....((لكن))

كان الرد بالنسبه لي اجمل واجمل للامل المجروح

ــــــــــــــــــــــــــــــــــــــــــــــــــ
ــــــــــــــــــــــــــــــــــــ


وهذي قصيدة تقوى الهجر ((لاتعتذر)) :-



تقوى الهجر ..

مانجبره من عافنا ماينجبر.. لاتعتذر..

راح الصبر..

لا لا تعنا لي وتمر.. وتبغى الصبر..

وين الصبر..تقوى الهجر..

وش لي بقا عندك .. تدور لي عذر لاتعتذر..


((( جرحي عميق والقلب في دمه غريق )))

وتبغى الصبر ويلاه من وين الصبر مهما تقول ((لاتعتذر))..

مهما تقول من الاغاني والجمل..مايحتمل قلبي فديه جبر الالم..

يمشي معك درب الندم مايحتمل..

يكفي عليه ..منك احتمل كذب وغدر..

حبك سراب ضيعت وقتي اتبعه يكفي عليه..

وسط الضباب صوتك ينادي اسمعه صرت اتبعه..

واليوم في صحراء الظماء..

ترمي فؤادي وتحرقه..

وترجع تقول ابعتذر ليه العذر..

((دام الهوى ماله على قولك عذر))

والجرح ياجرحي يداويه الصبر..ليه العذر..؟

الله كريم .. الله عليم

هو عالم بالحال((ولايمكن يظيم))

عزاه لك ياقلبي يااحلا نديم..

عزتي للحب لو يصبح يتيم..

حبك يتيم وكلك ندم..

وين الندم بين السطور..

عمر العدم ماله ظهور..

((ترى هذا غرور))

تمشي بطريق وين بطريق اللي يودي لبعيد..

عنك يااول رفيق البعد يعفيني المزيد..

وين الوفاء والتضحيه وينك رفيك؟؟!! ......

وبجمع اوراق السنين..

(((((((((((( لاتنسى تجمع جروحي ودمي واهاتي معك)))))))))))

وقلبي بعد ماقتلته يارفيقي ماعاد يقدر يمنعك

كل الامر عاد بيديك ...

ياخلي ياهاجر .. ماعنــــــــــــــــــدك عـــــــــــــــــــذر.....

وهنا انتهت الحكاية

نقلتها لكم ربما لتتألموا مع الأمل المجروح

أو تعتذروا مع البــــــــدر


وتقبلوا تحياتي ,,,,,,,,



للأمانة هذا الفكرة كانت في بالي واحببت أن اطرحها لكم وحينما بحثت عن القصائد

لقيت الموضوع جاهز ومجهز يعني من دون تعب كل الموضوع قص ولصق

فشكراً لكاتب الموضوع الأصلي على هذا الإبداع .

وليسمح لي مشكوراً بنقل الموضوع هنا :


__________________

يأخي خلكـ من المواضييع الفااشلة ياخي حراام علييكـ اتق الله



اللي يسمع أغاني يصب على اذنه رصااص مذااب << هل ستتحمله في ذلك اليوم يالله اتحدااك تتحمله


هذا المنتدى رياضي ثقافي اسلامي مو للأغااني والقصاايد الفاشلة والمحرمة


ياخي احترم هذا المنتدى لو عندك قصاايد محاافظة نزلها عاادي لكن مثل هذي لا تنزلها اتق الله

((ياخي احترم هذا المنتدى لو عندك قصاايد محاافظة نزلها عاادي لكن مثل هذي لا تنزلها اتق الله))

مع احترامي

انت مالك دخل ماتبي تقراها لا تقراها

انت مانت مشرف يعني مالك دخل


اذا قالوا المشرفين شئ على العين والراس

سادسا :مشكوور يالماارد على العباارات المستحقه لي